இலங்கை மருத்துவ துறையில் நடந்த அதிசயம்..!!

பெண் ஒருவரின் வயிற்றில் இருந்து 13.5 லீற்றர் கொழுப்பு கண்டியில் உள்ள தனியார் வைத்தியசாலையில் சத்திரசிகிச்சை மேற்கொள்ளப்பட்டு அகற்றப்பட்டுள்ளது.61 வயது பெண் ஒருவர் வயிறு பெரிதாகிய நிலையில் அவர் சிகிச்சைக்கு வந்துள்ளார். Liposuction என்ற சத்திரசிகிச்சை சுமார் மூன்று மணித்தியாலங்கள் எடுத்ததாக விசேட சத்திரசிகிச்சை நிபுணர் ஜயவர்தன தெரிவித்தார். சத்திரசிகிச்சைக்கு உட்படுத்தப்பட்ட ஓய்வுபெற்ற ஆசிரியையான 61 வயதுடைய பெண் ஒரு குழந்தையின் தாய் எனவும் எவ்வித பாதிப்பும் இன்றி ஆரோக்கியமாக இருப்பதாக வைத்தியர் தெரிவித்துள்ளார்.

பொதுவாக இவ்வகையான சத்திரசிகிச்சையில் 4-5 லீற்றர் வரை கொழுப்பு அகற்றப்படுவதாகவும், இந்த நாட்டில் மட்டுமின்றி உலகில் வேறு எந்த நாட்டிலும் இவ்வளவு பெரிய அளவிலான கொழுப்பு அகற்றுவதற்கான சத்திரசிகிச்சை எதுவும் இடம்பெறவில்லை எனவும் வைத்தியர் தெரிவித்துள்ளார்.குறித்த பெண் உயர் ரத்த அழுத்தம், உடல் பருமன், முதுகு வலி, நடப்பதில் சிரமம் போன்ற காரணங்களால் மன அழுத்தமான வாழ்க்கையை வாழ்ந்து வருகிறார்.இதற்கு மூன்று மாதங்களுக்கு முன்பு, அவர் சிறப்பு மருத்துவர் ஜயவர்த்தனவிடம் வந்து அறுவை சிகிச்சை செய்துள்ளார்..அதன்பிறகு, உடல் எடை வேகமாகக் குறைந்ததால், அவரால் எளிதாக நடக்க முடிந்தது என்று மருத்துவர் கூறினார்.சத்திரசிகிச்சையின் பின்னர் வயிறு மேலும் நீண்டு விரிவடைந்து காணப்பட்டதால் நேற்று அது தொடர்பான சத்திரசிகிச்சை செய்து வயிற்றிலிருந்த கொழுப்பை அகற்றியதாகவும் அவர் கூறினார்.