கர்ப்பிணி தாய்க்கு கணவன் செய்த கொடுமை..!! இரண்டு மாத கரு கலைப்பு..!

கொழும்பில் கணவர் ஒருவர் தனது கர்ப்பிணி மனைவியை தாக்கி கருவை அழித்த குற்றச்சாட்டில் கைது செய்யப்பட்டுள்ளார்.குறித்த நபரை கொழும்பு மேலதிக நீதவான் கெமிந்த பெரேரா முன்னிலையில் ஆஜர்படுத்திய போது அவரை நாளை வரை விளக்கமறியலில் வைக்குமாறு உத்தரவு பிறப்பிக்கப்பட்டுள்ளது.

இது கொலை என சந்தேகிக்கப்படுவதாகவும் சட்ட வைத்திய மருத்துவ அறிக்கையை நீதிமன்றில் சமர்ப்பிக்குமாறு கிராண்ட்பாஸ் பொலிஸாருக்கு வழங்கிய அறிவித்தலை கருத்திற்கொண்டே நீதவான் இந்த உத்தரவை பிறப்பித்துள்ளார்.சந்தேகநபரின் கணவர் மனைவியுடன் தொடர்ந்து முரண்பாடுகளை ஏற்படுத்தி வருவது தெரியவந்துள்ளதாக பொலிஸார் நீதிமன்றில் தெரிவித்துள்ளனர்.

கருவில் இருக்கும் குழந்தையின் தந்தை தொடர்பில் ஏற்பட்ட வாக்குவாதத்தில் சந்தேகமடைந்த கணவன் மனைவியின் வயிற்றை காலால் உடைத்ததாகவும் பொலிஸார் குறிப்பிட்டுள்ளனர்.கவலைக்கிடமான நிலையில் இருந்த மனைவி ராகம வைத்தியசாலையில் அனுமதிக்கப்பட்ட பின்னர் இரண்டு மாத கரு கலைந்துள்ளதாக தெரியவந்துள்ளது.சம்பவம் தொடர்பான மேலதிக விசாரணைகளை கிராண்ட்பாஸ் பொலிஸார் மேற்கொண்டு வருகின்றனர்.