2024 ஆம் ஆண்டு ஜனவரி முதல் நடைமுறையில்..? சுற்றூலா பயணிகளுக்கு மகிழ்ச்சித்தகவல்..

கென்ய ஜனாதிபதி வில்லியம் ரூடோ நாடு முழுவதும் உள்ள சுற்றுலா பயணிகள் நாட்டிற்குள் நுழைய விசா தேவையில்லை என அறிவித்துள்ளார்.இந்த நடைமுறை ஜனவரி 2024 முதல் அமுலுக்கு வரும் என்றும் அவர் கூறியுள்ளார்.பிரித்தானியாவிடம் இருந்து கென்யா சுதந்திரமடைந்து 60 ஆண்டுகள் நிறைவடைந்ததை முன்னிட்டு நைரோபியில் நடைபெற்ற நிகழ்வொன்றில் கலந்துகொண்டு உரையாற்றும் போதே அவர் இவ்வாறு தெரிவித்தார்.

பயண நடைமுறைகளை எளிதாக்குவதற்காக இந்த முடிவு எடுக்கப்பட்டுள்ளதாக தெரிவிக்கப்பட்டுள்ளது.விசா இல்லாமல் மின்னணு பயண அங்கீகாரம் “electronic travel authorization” இருந்தால் கென்யாவிற்கு செல்லலாம் எனவும் உலகெங்கிலும் உள்ள பயணிகள் கென்யாவுக்குச் செல்ல விசாவிற்கு விண்ணப்பிக்க தேவையில்லை எனவும் கூறியுள்ளார்.அக்டோபர் மாதம் காங்கோ குடியரசில் நடந்த ஒரு மாநாட்டில் விசா விலக்குகளுக்கான தனது திட்டங்களை ஜனாதிபதி ரூட்டோ முன்னர் கோடிட்டுக் காட்டியிருந்தார்இதன்படி ஆப்பிரிக்க நாடுகளின் குடிமக்கள் 2023 ஆம் ஆண்டின் இறுதிக்குள் விசா இல்லாமல் கென்யாவுக்குச் செல்ல முடியும் என்று அறிவித்திருந்தார்.

இந்த நடவடிக்கை ஒரு பரந்த முயற்சியை பிரதிபலிப்பதோடு பிராந்திய ஒத்துழைப்பை மேம்படுத்தவும், ஆப்பிரிக்க நாடுகளுக்கு இடையே உறவுகளை வலுப்படுத்தவும் உதவுகிறது.கென்யா, அதன் மாறுபட்ட நிலப்பரப்பு மற்றும் கலாச்சாரம் ஆகியவற்றிற்கு புகழ்பெற்ற நாடாகும்.சர்வதேச பார்வையாளர்களின் ஈர்ப்பு அதன் பொருளாதாரத்தின் முக்கிய இயக்கியாக சுற்றுலாவை பெரிதும் நம்பியுள்ளது.இதற்கமைய விசா தேவைகளைத் தள்ளுபடி செய்வதற்கான முடிவு, அதிகமான சர்வதேச பயணிகளை ஈர்ப்பதை நோக்கமாகக் கொண்டுள்ளது.இதற்கு முன்னதாக, இலங்கை, மலேசியா, தாய்லாந்து, இந்தோனேசியா போன்ற நாடுகள் இந்தியர்களுக்கு இலவச உள்நுழைவு விசாவை அறிவித்திருந்தமை குறிப்பிடத்தக்கது.

Leave a Reply

Your email address will not be published. Required fields are marked *